عطر الأحباب

لكل كاتب عطره الخاص، نستنشقه من خلال كتاباته، فتعبر كلماته إلى قلوبنا، فندمن هذا العطر، أنه عطر الأحباب!

25 أغسطس، 2017

"أعتبريه جبل صغير عارفه من زمان وبتحبيه"


"أعتبريه جبل صغير عارفه من زمان وبتحبيه" 
مهند طفل عنده 13 سنة تقريبا قالي كدا أمبارح وأنا خايفة أتسلق الحبال في منطقة الألعاب، أنا فعلا بخاف من أي لعبة لأني وأنا صغيرة ماما كانت بتخاف عليا بزيادة جداااااااااااااا لحد ما كبرت وفضل الخوف حبسني وبعدني عن حاجات حلوة في حياتي، لكن مهند أمبارح خلاني أكسر حاجز خوفي فضل يعلمني ولما جيت أعدي بين حبال كتير أقالي "لازم لما تواجهي يكون عندك توازن وتعرف تواجهي خوفك عشان تنتصري عليه" وقبل ما أنزل قالي تعالي أطلعي فوق خالص لكن أنا كنت لسه بواجهه خوفي واحدة واحدة فقولتله المرة اللي جاية، شكرت مهند كتير راح قالي لو احتجتي أي مساعدة قوليلي، قولتله أنت عسل وسكر يا مهند، في الحقيقة أنا أكبر منه بكتير جداااا لكن مكتسفتش أتعلم منه لأني أنا عارفة كل إنسان هقابله في حياتي هيعلمني حاجة حتى لو طفل، أنا زعلت بجد أني متصورتش معه يارب أقابلك تاني وأتصور معك وتعلمني حاجات تانية يا مهند ربنا يحفظك ويحقق ليك كل أحلامك، شكرا أنك خلتني أعيش حاجة جديدة ولقيتها أد أيه هي ممتعة ورجعتني طفلة وسحبت كتير من وجعي

وم😊
مش هحط صورة لحد لما أقابلك تاني يا مهند 

ليست هناك تعليقات:

إرسال تعليق

نرحب بكلماتكم العطره التى تفوح منها أجمل العبير:)

no copy

no